Thirrje urgjente për veprim institucional · Nënshkruaj peticionin →

Lëvizja e Gjelbër · mendim eko-i-ndërgjegjshëm

Metihe Dadi Kastrati

“Ndryshimet klimatike janë sfidat përcaktuese të kohës sonë! Por, këto sfida paraqesin një mundësi të paprecedentë për inovacion dhe bashkëpunim. Jam e përkushtuar të mbështes misionin drejtë agjendës së gjelbër dhe fuqizimin e shoqërisë për të ridizajnuar idetë, bizneset, sistemet dhe proceset që u shërbejnë si njerëzve ashtu edhe planetit. Mision ky qe do na udhëheq drejt një të ardhmeje më të gjelbër dhe më të qëndrueshme. Mos t’harrojm nuk kemi Planet B”

Edhe ti ke një mendim të gjelbër? Bashkohu me Lëvizjen.

Bashkohu →

Zëra të tjerë

Të gjitha
“Duke ndjekur një jetë më të gjelbër, ne japim shembull të fuqishëm për të tjerët, frymëzojmë veprime kolektive dhe hapim rrugën për një të ardhme më të ndritur dhe më të qëndrueshme për brezat që do të vijnë.”
May-Linda KosumovicAktore
“Pavarësisht qe mungojnë praktika që dëshmojnë vetëdije mjedisore, mbetet në ndërgjegjen tonë të bëjmë aq sa mundemi, me aq sa kemi. Çdo hap i vogël drejt vetëdijesimit është një kontribut i çmuar për shëndetin e planetit tonë dhe të brezave të ardhshëm në të. Po ashtu e kemi obligim angazhimin për promovimn dhe përdorimin e teknologjive të gjelbra dhe praktikave të qëndrueshme e te cilat mund të ketë një ndikim të madh në ruajtjen e mjedisit dhe përmirësimin e cilësisë së jetës për të gjithë.”
Dimal StubllaAdministrator i sistemit - AFK
“Ndryshimi klimatik dhe nevoja për vendimmarrje të gjelbër është emergjencë globale. E ardhmja ju takon ndryshimtarëve, e ne jemi përgjegjës për të ardhmen që duhet t’ua trashëgojmë fëmijëve tanë. Le të bashkohemi dhe ta mbrojmë mjedisin me gjithçka që kemi.”
Fiona GllavicaAktore
“Degradimi mjedisor dhe pabarazia gjinore kanë rrënjë të thella, të përbashkëta. Sikurse patriarkati që mirëmbahet përmes shtypjes së grave, kapitalizmi objektivizon, shfrytëzon, dhunon dhe zhvlerëson pasuritë natyrore. Normat patriarkale kapitaliste i varfërojnë dhe izolojnë vajzat dhe gratë, e sidomos ato nga grupet e cenueshme shoqërore duke i penguar të ushtrojnë të drejtat mjedisore për jetesë të sigurt dhe shëndet të mirëfilltë. Prandaj, është jetike që për politikat mjedisore të avokohet nga perspektiva feministe dhe gratë të jenë pjesë integrale e politikë-bërjes dhe vendimmarrjes së gjelbër”
Shqipe GjocajAktiviste Feministe
“Ne jo vetem që jetojmë në tokë, por jemi vet toka, ta respektokmë atë, të kujdesemi për te dhe ta duam.”
Vjollca Robelli MripaKantautore
“Para ndryshimeve klimatike, forca jonë më e madhe qëndron në unitet dhe veprim. Së bashku, mund të kultivojmë një planet më të shëndetshëm për ne, fëmijët dhe nipërit tanë.”
Ardian HoxhaNdërmarrës - American School of Kosova
“Ambienti ku ne jetojmë, jemi vet ne. Kujdesi ndaj natyrës është po aq i rëndësishëm sa mirqenia jonë personale, fizike dhe shpirtërore. Ta ruajmë ambientin, si faktorë kyq në jetesën e përbashkët.”
Fortesa ShalaModeratore
“Ngrohja globale dhe ndotja e mjedisit janë disa prej çështjeve më urgjente politike të gjeneratës dhe kohës tonë. Është vendimtare që të gjithë njerëzit të zgjohen kundër rendit kapitalist i cili ka prioritet zhvatjen e klasës punëtore, tokës dhe të gjitha qenieve të gjalla që frymojnë mbi të. Degradimi i planetit duhet të jetë një çështje kritike rreth të cilës fillojmë ta vlerësojmë çlirimin kolektiv, solidaritetin, dhe jetën.”
Diell DemaçiStudent