Thirrje urgjente për veprim institucional · Nënshkruaj peticionin →

Lëvizja e Gjelbër · mendim eko-i-ndërgjegjshëm

Jeta Berisha

“E ardhmja i takon gjeneratës së lirë, atyre që guxojnë të kërkojnë përgjegjësi pêr ajrin, ujin, ushqimet dhe bashkëjetesën me natyrën. Përgjegjësia sigurisht që nuk është kolektive, taksa e karbonit do ta shpërfaqë realitetin që klasa punëtore e ka përbi me shekuj. Drejtësia socio-mjedisore e kalkulon edhe mirëqenien!”

Edhe ti ke një mendim të gjelbër? Bashkohu me Lëvizjen.

Bashkohu →

Zëra të tjerë

Të gjitha
“Ndryshimet Klimatike kanë filluar të diktohen në përditshmëri. Duhet të punojmë më shumë në këtë drejtim, për veten, fëmijët tanë dhe të ardhmen që po vie. Artistët janë në vi të frontit, përdorni artin tuaj për të ngritë vetëdijen sepse nuk ka planet tjeter për ne.”
Berin HasiZyre
“Duke respektuar ambientin ne respektojme planetin tonë. Së bashku mund te mbajme planetin e pastër dhe te qëndrushëm për të gjithë.”
Linda HalitiCountry Sales Manager tek Uji Tepelene
“Veprimet tona të papërgjegjshme sot, rrezikojnë mirëqenien dhe të ardhmen e brezave të rinj. Ne duhet të bashkohemi që të promovojmë menaxhimin e qëndrueshëm të burimeve natyrore dhe mbrojtjen e mjedisit. Bashkë, mund të shmangim krizën e ndryshimeve klimatike!”
Linda ÇavdarbashaEksperte Mjedisore
“Hiperkonsumizmi është i papërballueshëm për të ndalur blerjet, por besoj se mund të ndalojmë të bëjmë blerje në exces. Fillimisht, mendoj se është e rëndësishme që njerëzit të bëhen të vetëdijshëm për çfarë, sa dhe në çfarë rrethana blejnë, dhe me kalimin e kohës të shohin si të ndryshojnë zakonet e tyre të konsumit dhe në cilat produkte të investojnë. Kjo kërkon kohë, por ndryshimi është i mundur”
Sara GjiniThemeluese e “Lagom” markë e modës së qëndrueshme
“Ndërsa po lansohet kjo platformë publike, jam e përkushtuar që të avokoj për ndërgjegjësimin për ndryshimet klimatike dhe vendimmarrjen e gjelbër. Është koha që të gjithë ne të zbatojmë praktika të qëndrueshme dhe të sigurojmë një planet më të shëndetshëm për brezat e ardhshëm.”
Sytrime DervisholliDrejtore Menaxhuese - PreFab Kosova, Eksperte e Ekonomisë Qarkore
“Degradimi mjedisor dhe pabarazia gjinore kanë rrënjë të thella, të përbashkëta. Sikurse patriarkati që mirëmbahet përmes shtypjes së grave, kapitalizmi objektivizon, shfrytëzon, dhunon dhe zhvlerëson pasuritë natyrore. Normat patriarkale kapitaliste i varfërojnë dhe izolojnë vajzat dhe gratë, e sidomos ato nga grupet e cenueshme shoqërore duke i penguar të ushtrojnë të drejtat mjedisore për jetesë të sigurt dhe shëndet të mirëfilltë. Prandaj, është jetike që për politikat mjedisore të avokohet nga perspektiva feministe dhe gratë të jenë pjesë integrale e politikë-bërjes dhe vendimmarrjes së gjelbër”
Shqipe GjocajAktiviste Feministe
“Ndryshimet klimatike vihen re çdo vit. Dimrat pa dëborë dhe verat e thata ndikojnë edhe në punën tonë në turizmin malor, duke mos ofruar paketat turistike sipas sezonit të parashikuar, gjë që ndikon edhe në ekonominë lokale në vendet ku jetojmë nëpër male.”
Erind ZalliThemelues i Backcountry Albania
“Si piktor, përdori brushën për të treguar historinë e tokës sonë të plagosur. Çdo ngjyrë që zgjedh, çdo strokë që jap, është një thirrje për veprim. Arti duhet të mimikojë natyrën që po humbim dhe nevojën urgjente për ta mbrojtur atë. Le të përdorim ngjyrat për të frymëzuar ndryshim!”
Suad H. RamaPiktor