Thirrje urgjente për veprim institucional · Nënshkruaj peticionin →

Lëvizja e Gjelbër · mendim eko-i-ndërgjegjshëm

Dorina Lluka Davies

“Media e gjelbër luan një rol vendimtar në formësimin e të tashmes dhe të ardhmes duke komunikuar të vërtetën për shkatërrimin e mjedisit, të mbështetur nga fakte shkencore. Urime për Platforma360, shumë të nevojshme!”

Edhe ti ke një mendim të gjelbër? Bashkohu me Lëvizjen.

Bashkohu →

Zëra të tjerë

Të gjitha
“Veprimet tona sot përcaktojnë botën në të cilën do të jetojnë brezat e ardhshëm.”
Lorika GovoriThemeluese e Dora Hand-Made Tailored
“Ndryshimet klimatike ndikojnë më shumë tek gratë, sidomos në komunitetet rurale ku ato janë shpesh përgjegjëse për mbledhjen e ujit dhe ushqimit. Për shembull, në shumë vende, thatësira e zgjatur i detyron gratë të ecin më gjatë për të gjetur ujë, duke i ekspozuar ato ndaj rreziqeve të sigurisë dhe duke kufizuar mundësitë e tyre për arsimim dhe punësim.Përpjekjet për të luftuar ndryshimet klimatike duhet të integrojnë barazinë gjinore për të siguruar një të ardhme të drejtë dhe të qëndrueshme për të gjithë”
Rudinë JakupiKandidate për doktoraturë në DCU
“Ngrohja globale është vërtetë problem global, por përgjegjesia dhe kapaciteti për ndryshim është individual. Gjithçka nga mirëqenia jonë na vjen nga natyra, andaj ia kemi borxh natyrës edhe vetes te kujdesemi për të.”
Doruntina Beka LatifiINDEP
“Ngrohja globale dhe ndotja e mjedisit janë disa prej çështjeve më urgjente politike të gjeneratës dhe kohës tonë. Është vendimtare që të gjithë njerëzit të zgjohen kundër rendit kapitalist i cili ka prioritet zhvatjen e klasës punëtore, tokës dhe të gjitha qenieve të gjalla që frymojnë mbi të. Degradimi i planetit duhet të jetë një çështje kritike rreth të cilës fillojmë ta vlerësojmë çlirimin kolektiv, solidaritetin, dhe jetën.”
Diell DemaçiStudent
“Degradimi mjedisor dhe pabarazia gjinore kanë rrënjë të thella, të përbashkëta. Sikurse patriarkati që mirëmbahet përmes shtypjes së grave, kapitalizmi objektivizon, shfrytëzon, dhunon dhe zhvlerëson pasuritë natyrore. Normat patriarkale kapitaliste i varfërojnë dhe izolojnë vajzat dhe gratë, e sidomos ato nga grupet e cenueshme shoqërore duke i penguar të ushtrojnë të drejtat mjedisore për jetesë të sigurt dhe shëndet të mirëfilltë. Prandaj, është jetike që për politikat mjedisore të avokohet nga perspektiva feministe dhe gratë të jenë pjesë integrale e politikë-bërjes dhe vendimmarrjes së gjelbër”
Shqipe GjocajAktiviste Feministe
“Çdo ndryshim fillon nga ne. Mos e nënvlerësoni fuqinë që keni. Le të jemi secili nga ne pjesë e luftës kundër ndryshimeve klimatike. T’a bëjmë secili pjesën tonë për një të ardhme të mirë.”
Rreze DuliDrejtore ekzekutive në RDA, NORTH ARDA - Association of Regional Development Agencies
“Ndryshimet Klimatike kanë filluar të diktohen në përditshmëri. Duhet të punojmë më shumë në këtë drejtim, për veten, fëmijët tanë dhe të ardhmen që po vie. Artistët janë në vi të frontit, përdorni artin tuaj për të ngritë vetëdijen sepse nuk ka planet tjeter për ne.”
Berin HasiZyre
“Ndryshimi pozitiv klimatik fillon me edukimin në mënyren se si i konsumojmë dhe menaxhojmë burimet natyrore. Është koha të lëmë gjurmë pozitive për brezat e ardhshëm, më shumë se sa gjurmë karboni. :seedling:”
Martin BerishaKosovo Glass Recycling