Sekretari i Përgjithshëm i NATO-s, Jens Stoltenberg, ka publikuar vlerësimin vjetor mbi ndikimin e ndryshimeve klimatike në sigurinë e Aleatëve. Raporti thekson se ndryshimet klimatike po përshpejtohen dhe kanë “një ndikim të thellë në sigurinë e Aleatëve”.
Kosova është përmendur si një nga “pikat e nxehta të ngrohjes” së planetit, për shkak të ngjarjeve ekstreme të motit, si zjarret në vitet 2017 dhe 2022, dhe përmbytjet e rënda në vitin 2023. Ndryshimet klimatike pritet të rriten në frekuencë dhe intensitet, duke sfiduar stabilitetin socio-ekonomik dhe sigurinë në rajon.
Aktualisht, në Kosovë operojnë rreth 4,500 trupa aleate dhe partnere si pjesë e Forcës së Kosovës të NATO-s (KFOR). Përmes këtij raporti, Stoltenberg thekson rëndësinë që NATO të mbetet e adaptueshme në një mjedis që ndryshon me shpejtësi, për të siguruar paqen dhe sigurinë afatgjatë.
Lexoni më shumë mbi ndikimet e ndryshimeve klimatike dhe përpjekjet e NATO-s për të ruajtur sigurinë në rajon: Këtu
